රට නැගුම

මහඡන්දයක් එන                      

- රාවයක්                                  පැතිරෙන

නිසාවෙන් මහජන                   

 - මතය කෙලෙසක වේද            තැනතැන

තේ කඩේ ඇතුලෙන්                  

- එළවලු ලෑලි                              අතුරින්

මාළු කඩේ අස්සෙන්                 

- යායුතුය මේ ගැනම                හොයමින්

ඉදිරිය බලබලා                          

- වැඩිය වටපිට                          නොබලා

සයිකලේ නැගිලා                     

- ට්‍රැෆික් බ්ලොක් වී හිටියෙ           ලැගලා

පැයක් මඟ ගෙවීම්                     

- මාර්කට් එකට                            ගියෙමි

වටපිට බැලුයෙමි                       

- රජයේ වාහන තිබෙනු                    දුටිමි

ඩියුටි දිනයක් වන                      

- සඳුදාවකිය අද                                 දින

ඒත් අපෙ වාහන                        

- මන්ද හේතුව මෙසේ තැන             තැන

අමතර කාරණා                          

- සෙවිය යුතු නැත                      මෙදිනා

මගේ අරමුණු ගැනා                   

- මතක් වී ඉදිරියට                        ඇදුනා

මහල්ලන් මැහැල්ලන්               

- කොල්ලන් සමඟ                  කෙල්ලන්

හමුවිය යුතුම නන්                     

- බස් පොලට යායුතුය              එහෙනන්

ගෘහනියක ලස්සන                    

- වදනක් කීය                         මෙලෙසින

කෙරුවත් ඡන්ද මොන               

- අපට ප්‍රගතිය නැතිය                 කිසිදින

බොහෝ ලොකු ලොකු අය        

- කරනා රජයේ                           සේවය

හැම විට ම මගම ය                   

- රටට වන සේවයක්                 නැහැමය

නාස්තිය දුරු කොට                   

- වංචා ගැහිලි                        නැතිකොට

වියදම්ද අඩු කොට                     

- මොවුන් කන හැටි පෙනේ       සැමවිට

දුක් විඳින රට්ටු                          

- අසති මොවුනගෙ                         චාටු

මොවුන්ටම ඔට්ටු                      

- දනෝ කෙඳිනක වේද                 මට්ටු

රේස් එකකුත් ඇත                     

- දුවන ජනතාවක්                          ඇත

විනිසුරුවරුද ඇත                      

- දිනුම් කනුවක් කොහේවත්         නැත

රටට හෙන ගැහෙනා                

- බවක් ගැන නොම                   දක්නා

ජනයින් දකිමිනා                       

- අහෝ ආපසු මමත්                හැරුනා

එතකොට ම වාගේ                   

- සිහිවිය ‘ඩියුටි’                        මාගේ

කෑම පැය බාගේ                      

  - කරගනිමි මම එකයි                බාගේ

ඉහල සිට පහලට                      

- හොරකම කරන හැමහට

පෙන්ෂන් ලබන විට                  

- ලැබෙන ඉරණම දුකයි කීමට

ඉන්දික හිරිමුතුගොඩ